Matumuuna nalunaarutigineqassaaq Arctic Circle Race 2010 14-issaanik piffissami 9.-11. april 2010 ingerlanneqassammat. Ingerlaarfissaq pisarnertut 160 kim-iussaaq ulluni pingasuni ingerlanneqassalluni, aammalu periarfissaqassaaq ACR 100-mut peqataasinnaanermik taannalu 100 km-isut isorartussuseqarpoq. Peqataasut tammaarsimaffimi ulluni marlunni tupermi unnuisassapput.

 

Ulloq 17. november 2009 ataatsimeersuareernerup kingorna siulersuisut nutaat inissitsiterput. Siornatigut siulittaasuusoq Jens Klaus Lennert siulittaasutut ingerlaqqippoq, siulittaasullu tulliatut inissippoq Jakob Olsen. Siulersuisut nutaat ukiup tullissaanut kingumut pissanganartumut qilanaarput, tassa ACR-ip Qeqqata Kommunia-nik minnerunngitsumillu Air Greenland A/S-imik suleqateqarluarneq ingerlaqqimmat taakkualu suleqatitut pinngitsoorneqarsinnaanngillat.

 

Maannamut ACR 2010-imut nalunaarsulereersimasut amerlapput. Oqaatigisari-aqarpoq soqutiginninneq immikkullarissoq ammalu kingumut annertulluni, tassa nalinginnaasumik peqataaniarlutik nalunaartarneq decemberimi januarimilu aatsaat pisaraluarmat, maanna nalunaarsortut septemberimi oktoberimulu aallartereesimapput. Tusagassiorfiit nunat tamalaaneersut ACR assut soqutigisimavaat, minnerunngitsumik tusagassiorfissuit soorlu ZDF aamma BBC ACR pillugu aallakaatitassiatik aallakaatitsereernerisa kingorna, kiisalu sisoraaserluni timersornermi tusagassiutit assigiinngitsorpassuit ACR-imut soqutiginninnerisa kingorna. Taamaannerisa allat aamma soqutiginnilersissimavaat soorlu takornarialerinermik ingerlatsisartut maamma ACR/Sisimiut ornitassatut misigisaqarfissatut pissanganartutut isiginialersimavaat, minnerunngitsumik sisoraaserluni sakkortuumik timersornerup iluani kiisalu nunarsuarmi pinngortitamik takorannersumut, Sisimiut eqqaanni misigisissamut.

 

Arctic Circle Race inuunermi misigisasaqarfiuvoq, isorartussutsiminut aammalu sakkortussutsiminut, minnerunngitsumillu aamma immikkuullarissumik kissalaartumillu inuppalaarneq nunarsuarmi sakkortunerpaamik sisoraatinik appannermi misigisassaalluni – namminneq piumassutsiminnik 200-inik ikinnerunngitsunik inuutissarsiornermik ingerlassaqartunik ikiorneqartunik pilersinneqartumik.

 

Inussiarnersumik inuulluaqqusillunga

 

Jens Klaus Lennert

Arctic Circle Race